ஊடகர்கள்

யாருக்காகவோ வாள் சுழற்றுகிறோம்

சுழற்றலில் எங்கள் தலைகளும் வீழ்ந்துபடுகின்றன.

எய்பவர் கைகளில் அம்புகள் நாங்கள்

எளிய இலக்குகளையே குறிவைத்துத் துளைக்கிறோம்.

வலிய இலக்குகளுடன் எங்கள் ‘தலைகள்’ மோதும்போது

வலிகள் அனைத்தும் எங்கள் உடம்புக்குத்தான்.

கருத்து மோதல்களுக்காக மடிந்து படுகிறோம் – ஒருசிலர்

கன்னி தண்ணி பணத்துக்கும் ‘மடிந்து’ விடுகிறோம்.

உண்மையில் எங்கள் எசமானர்கள் பொதுசனங்கள்

உழலும் தொழில் நடைமுறையில் அவரிடமில்லை கரிசனங்கள்.

    

-    பத்மன்